مقبوضہ بیت المقدس (آن لائن)اسرائیلی وزیر دفاع آوی گیڈور لائبرمین نے کہا ہے کہ ان کی فوج غزہ کی پٹی پر نئی جنگ مسلط کرنے کا کوئی ارادہ نہیں رکھتی۔ غزہ اور اسرائیل کے درمیان سرحد پر موجودہ امن کو برقرار رکھنا چاہتے ہیں۔
غیر ملکی میڈیا کے مطابق بیان میں وزیردفاع کاکہنا تھاکہ غزہ اور اسرائیل کے درمیان حفاظتی دیوار کی تعمیر کا کام اطمینان بخش انداز میں جاری ہے اور اسے مقررہ وقت پر مکمل کرلیا جائے گا۔انہوں نے کہا کہ فلسطینی مزاحمت کاروں کی سرنگوں سے نمٹنے کے لیے حفاظتی دیوار اہم دفاعی اقدام ہے اوراس دیوار کی تعمیرمکمل ہونے کے بعد غزہ کی پٹی کے اطراف میں موجود یہودی کالونیوں کو پہلے کی نسبت زیادہ تحفظ ملے گا۔
