غزہ میں نسل کشی: آئرلینڈ کے صدر نے اسرائیل کو اقوام متحدہ سے نکالنے کا مطالبہ کر دیا

انٹرنیشنل، نیوز ڈیسک
ڈبلن، آئرلینڈ

غزہ میں نسل کشی: آئرلینڈ کے صدر نے اسرائیل کو اقوام متحدہ سے نکالنے کا مطالبہ کر دیا

آئرلینڈ کے صدر مائیکل ہیگنز نے غزہ میں جاری صورتحال پر سخت موقف اختیار کرتے ہوئے کہا ہے کہ ا س ر ا ئ ی ل اور وہ ممالک جو اسے ہتھیار فراہم کرتے ہیں، انہیں اقوام متحدہ سے خارج کر دینا چاہیے۔

یہ بیان اس وقت سامنے آیا جب اقوام متحدہ کی انسانی حقوق کونسل کے کمیشن کردہ آزاد ماہرین کی ایک ٹیم نے یہ نتیجہ اخذ کیا کہ ا س ر ا ئ ی ل غزہ میں فلسطینی عوام کی نسل کشی کر رہا ہے۔ رپورٹ میں کہا گیا کہ 1948 کے کنونشن میں نسل کشی کے حوالے سے درج چار بنیادی اقدامات ا س ر ا ئ ی ل کے اقدامات پر پورے اترتے ہیں۔

صدر مائیکل ہیگنز نے کہا کہ روزانہ شہید ہونے والے شہریوں کی تعداد دل دہلا دینے والی ہے، جن میں نصف خواتین اور بچے ہیں۔ انہوں نے اس رپورٹ کو روانڈا نسل کشی پر ورکنگ گروپ کی طرز پر ایک تاریخی دستاویز قرار دیا۔

اقوام متحدہ کے تحقیقاتی کمیشن نے اپنی رپورٹ میں واضح کیا کہ ا س ر ا ئ ی ل کے وزیراعظم نیتن یاہو، سابق وزیر دفاع یوآو گیلنٹ اور صدر اسحٰق ہرزوگ کو نسل کشی کے اقدامات کا ذمہ دار قرار دیا جا سکتا ہے۔

وی او سی اردو کا تبصرہ:
یہ بیان عالمی برادری کے سامنے ایک سخت اخلاقی چیلنج ہے۔ آئرلینڈ کے صدر کا یہ موقف ظاہر کرتا ہے کہ اب یورپ کے اندر بھی ا س ر ا ئ ی ل کی پالیسیوں پر گہری تشویش پائی جا رہی ہے۔ اگر یہ مطالبہ عملی شکل اختیار کرتا ہے تو یہ عالمی سیاست میں ایک سنگ میل ثابت ہوگا۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔

VOC/003/180925