ملتان: انسداد دہشت گردی کی عدالت نے عورت پر تیزاب پھینکنے کا جرم ثابت ہونے پر ملزم کو پھانسی اور جرمانے کی سزا سنادی۔
ملتان کی انسداد دہشت گردی کی عدالت نے تیزاب گردی کیس کا فیصلہ سنادی۔ جرم ثابت ہونے پر مجرم کاشف کو دومرتبہ سزائے موت اور 20 لاکھ روپے جرمانہ کے سزا سنائی گئی۔
استغاثہ اور پولیس کے مطابق مجرم کاشف خان پور قاضی کی رہائشی ممتاز بی بی کی بیٹی سے شادی کرنا چاہتا تھا لیکن ممتاز بی بی راضی نہ تھی جس پر کاشف نے اپنے ساتھیوں سے مل کر ممتاز بی بی اور ان کے 3 بچوں پر تیزاب انڈیل دیا تھا، جس سے ماں اور بچے شدید جھلس گئے تھے۔ انہیں اسپتال منتقل کیا گیا تاہم ممتاز بی بی ایک ماہ زیر علاج رہنے کے بعد دم توڑ گئی۔
