عوام نواز شریف کے جی ٹی روڈ پر والہانہ استقبال کیلئے بے تاب ہیں،

اسلام آباد 7 اگست 2017
(بشیر باجوہ بیورو چیف پاکستان نیوز وائس آف کینیڈا)
نواز شریف عوام کے دلوں پر راج کرتے رہیں گے،عوام جانتے ہیں نواز شریف نے پاکستان کو ترقی اور خوشحالی کی راہ پر ڈالا، مسلم لیگ (ن) کے رہنما آصف کرمانی کا بیان
پاکستان مسلم لیگ (ن) کے رہنما آصف کرمانی نے کہا ہے کہ عوام نواز شریف کے جی ٹی روڈ پر والہانہ استقبال کیلئے بے تاب ہیں، عوام جانتے ہیں کہ نواز شریف نے پاکستان کو ترقی اور خوشحالی کی راہ پر ڈالا، نواز شریف عوام کے دلوں پر راج کرتے رہیں گے۔ پیر کو اپنے ایک بیان میں آصف کرمانی نے کہا کہ عوام اپنے محبوب قائد نوازشریف کے جی ٹی روڈ پر والہانہ استقبال کیلئے بے تاب ہیں، عوام جانتے ہیں کہ نواز شریف نے پاکستان کو ترقی اور خوشحالی کی راہ پر ڈالا، نواز شریف کی کوشش سے لوڈشیڈنگ اور دہشت گردی میں نمایاں کمی آئی ہے، نواز شریف نے کراچی اور بلوچستان میں امن قائم کیا ہے، نواز شریف عوام کے دلوں پر راج کرتے ہیں اور کرتے رہیں گے۔