ممبئی(اے این این )بالی ووڈ فلم’’ راضی ‘‘100 کروڑ سے زائد کا بزنس کرنے کے بعد اداکارہ عالیہ بھٹ کی 2018 کی پہلی کامیاب ترین فلم بن گئی۔
بھارتی میڈیا کے مطابق بالی ووڈ اداکارہ عالیہ بھٹ کی جاسوسی پر مبنی فلم’’ راضی ‘‘ نے ریلیز ہونے کے بعد 3 ہفتوں میں دھوم مچاتے ہوئے 100 کروڑ روپے سے زائد کمالیے ہیں جب کہ فلم راضی نے جہاں ایک طرف فلم ساز کے لیے خوب کمائی کی ہے وہیں عالیہ بھٹ کو بھی بہترین اداکاری کی وجہ سے عروج پر پہنچا دیا ہے ۔واضح رہے کہ فلم 11 مئی کو دنیا بھر میں ریلیزکی گئی جو 3 ہفتے گزرنے کے باوجود بھی باکس آفس پر کامیابی کے جھنڈے گاڑ رہی ہے۔
