ضلعی پولیس کا جنرل ہولڈاپ 8مجرمان اشتہاری ،4ناجائز ہتھیار، 2800گرام چرس اور 72لٹر شراب برآمد۔ سماج دشمن عناصر کے خلاف کارروائی جاری ہے گی۔ایس ایس پی آپریشنزمحمد ندیم کھوکھر (بشیر باجوہ بیورو چیف پاکستان نیو ز وائس آف کینیڈا )

گوجرانوالہ2 اپریل
ایس ایس پی آپریشنز محمد ندیم کھوکھر کے احکامات کے پیش نظرضلع بھر میں سماج دشمن عناصر کے خلاف بھر پور کارروائی جار ی ہے۔تشکیل دی گئی ٹیمیں مجرمان اشتہاریوں، منشیات فروشوں اور ناجائز اسلحہ رکھنے والوں کے خلاف جا بجا ریڈ کر رہی ہیں ۔سماج دشمن عناصر کیخلاف کارروائی کے دوران گزشتہ روز8مجرمان اشہاری گرفتارکرلیے گئے۔4ناجائز ہتھیاربرآمد۔منشیات فروشی کے خلاف کارروائی عمل میں لاتے ہوئے1600گرام چرس اور 72 لٹر شراب برآمد۔تھانہ اروپ پولیس نے منشیات فروشوں کے خلاف کاروائی کرتے ہوئے بدنام زمانہ منشیات فروش اقبال عرف بالا دھیکیوال کو گرفتارکر کے اس کے قبضہ سے 1200گرام چرس برآمد کر لی۔گرفتار کیے گیے ملزمان کے خلاف مقدمات درج کر کے انہیں جیل بجھوا دیا گیا ہے ۔اس موقع پر ایس ایس پی آپریشنز محمد ندیم کھوکھر کا کہنا ہے کہ ناجائز اسلحہ ، مجرمان اشتہاریوں او ر منشیات فروشوں کے خلاف کریک ڈاؤن جاری رہے گا. انہوں نے اعلیٰ کارکردگی پر پولیس ملازمان کو شا باش دی ۔