صہیونیوں کا فلسطین سے فرار: “نئے اسرائیل” کی سازش؟ سائپرس میں ہزاروں اسرائیلیوں کی آبادکاری پر یورپی ملک میں سیاسی زلزلہ

: عالمی امور ڈیسک
: سائپرس، یورپی یونین

صہیونیوں کا فلسطین سے فرار: “نئے اسرائیل” کی سازش؟
سائپرس میں ہزاروں اسرائیلیوں کی آبادکاری پر یورپی ملک میں سیاسی زلزلہ

یورپی یونین کی اسٹریٹجک ریاست سائپرس کے اندر ایک خاموش مگر خطرناک پیش قدمی پر خطرے کی گھنٹی بج گئی ہے۔
سائپرس کی بڑی سیاسی جماعت AKEL کے سیکرٹری جنرل استفانوس اسٹفانوس نے انکشاف کیا ہے کہ ہزاروں اسرائیلی شہری سائپرس میں منظم انداز میں جائیدادیں خرید رہے ہیں، مذہبی ادارے اور اسکولز بنا رہے ہیں، جس سے یہ تاثر جنم لے رہا ہے کہ اسرائیل کسی “نئے اسرائیل” کی بنیاد ڈالنے کے منصوبے پر عمل پیرا ہے۔

استفانوس کا کہنا تھا:

> “اگر حکومت نے فوری قدم نہ اٹھایا تو ہم اپنا ملک کھو بیٹھیں گے۔ یہ مکمل منصوبہ بندی کے تحت ہماری خودمختاری پر حملہ ہے۔”

15,000 سے زائد اسرائیلی شہری منتقل ہو چکے

رپورٹس کے مطابق 7 اکتوبر 2023 کے حماس حملے کے بعد سے اب تک 15,000 سے زائد اسرائیلی سائپرس میں بس چکے ہیں۔
شروعات میں یہ ہجرت عارضی سمجھی جا رہی تھی، لیکن اب اسرائیلی شہری سائپرس میں مستقل بنیادوں پر جائیدادیں، تعلیمی ادارے، اور عبادت گاہیں قائم کر رہے ہیں۔

سائپرس میں سوشل میڈیا پر وائرل ویڈیوز میں بعض اسرائیلی یہ کہتے دکھائی دے رہے ہیں:

> “یہ زمین ہمیں 3,500 سال پہلے خدا نے دی تھی، اب ہم واپس لینے آئے ہیں!”

4,000 سے زائد جائیدادوں کی خریداری

گزشتہ سال کے دوران اسرائیلیوں نے 4,000 سے زائد پراپرٹیز خریدی ہیں۔
سائپرس کے عوام اور اپوزیشن نے اس صورتحال کو “خاموش نوآبادیاتی حملہ” قرار دیا ہے، اور مطالبہ کیا ہے کہ حکومت فوری کارروائی کرے۔

اسرائیلی سفیر کی وضاحت

سائپرس میں تعینات اسرائیلی سفیر اورن انولگ نے اس صورتِ حال کو یہود دشمنی اور اشتعال انگیز پروپیگنڈا قرار دیتے ہوئے کہا:

> “اسرائیلی شہری قانونی طریقے سے سرمایہ کاری کر رہے ہیں۔ اسے سیاسی رنگ دینا درست نہیں۔”

—

وی او سی اردو کا تبصرہ:
جب ایک جنگ زدہ ریاست کے شہری منظم انداز میں کسی دوسرے ملک میں جائیدادیں خریدنے لگیں، مذہبی اور تعلیمی ادارے قائم کرنے لگیں، تو یہ صرف ہجرت نہیں، بلکہ ایک تزویراتی منصوبہ بندی ہوتی ہے۔
سائپرس کا مقدمہ اب ایک آزمائش ہے — کیا وہ اپنی شناخت بچا سکے گا؟ یا وہ بھی فلسطین کی طرح “قابض کی پرامن پیش قدمی” کا شکار بن جائے گا؟
وقت گواہ ہوگا کہ یہ نقل مکانی ہے یا نیا نیا قبضہ۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ رپورٹ عالمی ذرائع، مقامی بیانات اور سوشل میڈیا وائرلز پر مبنی ہے۔ ادارتی پیشرفت کی بنیاد پر معلومات میں ردوبدل ممکن ہے۔

VOC/001/110725