کراچی: بڑی صنعتوں کی پیداوار میں رواں مالی سال کے ابتدائی 10 ماہ (جولائی سے اپریل2017) تک 5.58 فیصد کا اضافہ ریکارڈ کیا گیا تاہم اپریل میں ایل ایس ایم گروتھ 9.72 فیصد تک پہنچ گئی۔
پاکستان بیوروشماریات (پی بی ایس) کے جاری کردہ اعدادوشمار کے مطابق مذکورہ 10ماہ کے دوران ایل ایس ایم گروتھ میں نمایاں کردار خوراک ومشروبات، فارماسیوٹیکلز، غیردھاتی معدنی مصنوعات، آٹو موبائلز، آئرن واسٹیل سیکٹر کا رہا جبکہ ٹیکسٹائل، کوک اینڈ پٹرولیم پروڈکٹس، فرٹیلائزر، الیکٹرونکس، پیپر اینڈ بورڈ، انجینئرنگ پروڈکٹس اور ربر پروڈکٹس کے شعبے بھی مثبت زون میں رہے تاہم کیمیکلز، لیدر پروڈکٹس اور ووڈ پروڈکٹس کے شعبوں کی پیداوار گر گئی۔
