مقبوضہ بیت المقدس(نیوز وی او سی) اسرائیل کے وزیر دفاع ایویگڈور لائبرمین نے کہا ہے کہ بشار الاسد شام میں جاری خانہ جنگی میں فتح یاب ہورہے ہیں اور اب وہ اپنے سابق دشمنوں کا پیچھا کررہے ہیں۔مسٹر ایویگڈور نے اسرائیل کی ایک نیوز سائٹ سے گفتگو کرتے ہوئے کہا کہ بشار الاسد جنگ میں ایک فاتح کے طور پر سامنے آئے ہیں اور اچانک ہر کوئی ان کے نزدیک آنا چاہتا ہے۔ میں دیکھ رہا ہوں کہ اب ممالک کی ایک لمبی قطار ہے جو بشارالاسد کی مدح سرائی کررہے ہیں۔
