شیر اگر درندہ ہے تو تیر کون سا ڈنر کرنے کے لیے استعمال ہوتا ہے؟رانا ثنا اللہ

18 مئی 2017
(بشیر باجوہ بیورو چیف پاکستان نیوز وائس آف کینیڈا )
صوبائی وزیر پنجاب رانا ثناء اللہ نے کہا ہے کہ پانامہ کیس پر کچھ بھی ہو اصل فیصلہ عام انتخابات میں ہو گا جس کے لیے عوام کی عدالت 2018 کے الیکشن میں سجے گی۔
انہوں نے سابق صدر آصف زرداری کے بیان پر ردعمل دیتے ہوئے کہا کہ اگر شیر درندہ ہے تو تیر سے کون سا لنچ کیا جاتا ہے اس موقع پر انہوں نے سابق صدر کو سندھ میں بھوک و پیاس سے بلکتے بچوں کو پانی کی عدم دستیابی اور شہر کراچی سے کچرا اُٹھانے کی طرف توجہ دینے کا مشورہ بھی دیا۔
پاناما کے حوالے سے پوچھے گئے ایک سوال کے جواب میں رانا ثناء اللہ کا کہنا تھا کہ جے آئی ٹی زیادہ سے زیادہ ٹرائل کا کہہ سکتی ہے اور یہ ایسا کیس نہیں کہ جس میں جے آئی ٹی کوئی فیصلہ دے سکے۔
صوبائی وزیر قانون کا کہنا تھا کہ نیوز لیکس کا معاملہ حل ہونے پر عمران خان مایوسی کا شکار ہو گئے ہیں وہ پریشان ہیں کہ ان کی کوئی ایک خواہش بھی پوری نہیں ہوئی۔