اسلام آباد(ویب ڈیسک)عوامی مسلم لیگ کے سربراہ شیخ رشید احمد نے پی ایس ایل فائنل دیکھنے کے لئے 500روپے والا عام ٹکٹ حاصل کرلیاجبکہ پی ایس ایل انتظامیہ نے شیخ رشید کو وی آئی پی انکلیوژ میں میچ دکھانے کی یقین دہانی کرادی۔تفصیلات کے مطابق جمعرات کے روز عوامی مسلم لیگ کے سربراہ شیخ رشید نے لاہور میں ہونیوالے پی ایس ایل فائنل دیکھنے کے لئے بنک سے 500 روپے والا آن لائن ٹکٹ حاصل کرلیا جس پر فوری طور پر پی ایس ایل انتظامیہ نے شیخ رشید سے رابطہ کیا اور کنفرمیشن کے بعد شیخ رشید کو یقین دہانی کرائی کہ وہ پانچ سو روپے والے عام انکلیوژ نہیں بلکہ وی آئی پی انکلیوژ میں بیٹھیں گے۔
