شہر کی خوبصورتی میں کوئی رکاوٹ برداشت نہیں،شارع فیصل سے پوسٹرز،تجاوزات کو ہٹایا جارہا ہے: وسیم اختر

کراچی (نیوز وی او سی آن لائن)میئر کراچی وسیم اختر نے کہا ہے کہ شہرکی خوبصورتی میں کسی قسم کی بھی رکاوٹ برداشت نہیں کرینگے جبکہ شارع فیصل سے تمام بینرز ، پوسٹرز ، کیبل وائر اور تجاوزات کو ہٹایا جارہا ہے۔
تفصیلات کے مطابق میئر کراچی وسیم اختر نے شہر قائد کے علاقے شارع فیصل کا دورہ کیااور صفائی کے انتظامات کا جائزہ لینے کے بعد کلفٹن جا پہنچے،جہاں انہوں نے اس عز م کا اظہار کرتے ہوئے کہا کہ شارع فیصل کو شہر کی بہترین شارع بنایا جائے گا جس کیلئے سٹریٹ لائٹس کی درستگی اورشارع کودیدہ زیب بنانے کیلئے اقدامات کئے جارہے ہیں۔میئر کراچی نے موقع پر موجود افسران کو ہدایات دیں کہ شارع فیصل پرموسمی پھول اورروایتی پودے لگائے جائیں،ڈولمین مال کے سامنے پارک تعمیر کیاجائے اورپارکس کے سامنے تجاوزات کو فوری طور پر ہٹایا جائے۔