کراچی (نیوز وی او سی آن لائن)کراچی میں ڈاکووں کی فائرنگ سے ایک بھائی جاں بحق جبکہ دوسرا شدید زخمی ہوگیا۔
تفصیلات کے مطابق کراچی کے علاقے جوہر آباد میں ڈکیتی کے دوران مزاحمت کرنے پر ڈاکووں نے فائرنگ کردی اور موقع سے فرار ہوگئے ،فائرنگ کے نتیجے میں 2بھائی شدید زخمی ہوگئے جن میں سے ایک بھائی زخموں کی تاب نہ لاتے ہوئے موقع پر دم توڑ گیا۔اطلاع ملنے پر پولیس اور ریسکیو موقع پر پہنچ گئی جنہوں نے لاش کو پوسٹ مارٹم اور زخمی کو ابتدائی طبی امدا دینے کے بعد ہسپتال منتقل کردیا۔پولیس حکام کا کہناہے کہ واقعہ ڈکیتی کے دوران مزاحمت کرنے پر پیش آیا ہے ۔ تاہم نامعلوم افراد کیخلاف مقدمہ درج کرکے تحقیقا ت کا آغاز کردیا گیا ہے۔
