شمالی کوریا سے مذاکرات ایٹمی پروگرام بند کرنے کی صورت میں ہوں گے: امریکہ

نیو یارک: (نیوز وی او سی) اقوام متحدہ کی سیکورٹی کونسل میں شمالی کوریا کے میزائل تجربے کے حوالے سے اجلاس سے پہلے میڈیا سے گفتگو کرتے ہوئے امریکی سفیر نکی ہیلے کا کہنا تھا کہ وہ شمالی کوریا پر مزید پابندیاں لگانے کی سفارش کریں گے اور اقوام متحدہ میں حالیہ میزائل تجربہ زیر بحث لائیں گے۔ انھوں نے شمالی کوریا کی حمایت کرنے والے ممالک پر بھی پابندیاں لگانے کا عندیہ دیا۔ اس حوالے سے انھوں نے امید ظاہر کی کہ اقوام متحدہ میں چین کو بھی شمالی کوریا پر پابندیاں لگانے کے فیصلے کی حمایت پر قائل کریں گے۔