خانیوال میں سی ٹی ڈی سے مقابلے میں 6 دہشت گرد ہلاک ہو گئے جبکہ 4 دہشت گرد اندھیرے کا فائدہ اٹھاٹے ہوئے فرار ہو گئے۔ دہشت گرد حساس مقامات کو نشانہ بنانے کی منصوبہ بندی کر رہے تھے۔
خانیوال: (دنیا نیوز) جہانیاں کے قصبے 98 دس آر میں سی ٹی ڈی ملتان کی ٹیم نے دہشت گردوں کے خفیہ ٹھکانے پر چھاپہ مارا۔ جس پر دہشت گردوں نے سی ٹی ڈی ٹیم پر فائرنگ کر دی۔ سی ٹی ڈی کی جوابی فائرنگ میں 6 دہشت گرد ہلاک ہو گئے جبکہ تین سے چار دہشت گرد اندھیرے کا فائدہ اٹھاتے ہوئے فرار ہو گئے۔ سی ٹی ڈی نے ہلاک دہشت گردوں کے قبضے سے 2 دستی بم، 2 آٹو میٹک رائفلز اور دو پسٹل کے ساتھ حساس مقامات کے نقشے بر آمد کر لیے ہیں۔ سی ٹی ڈی ذرائع کے مطابق ہلاک دہشت گردوں کا تعلق کالعدم تنظیموں سے تھا جو مختلف مقامات پر دہشت گردی کی منصوبہ بندی کر رہے تھے۔ سی ٹی ڈی حکام نے ہلاک دہشت گردوں کی لاشوں کو قبضے میں لے کر پوسٹ مارٹم کیلئے ڈسٹرکٹ اسپتال خانیوال منتقل کر دیا ہے۔
