سٹریٹ کرائم نہ رک سکا،متعدد وارداتوں میں شہری لٹ گئے،دوگاڑیاں،7موٹرسائیکل چوری
راولپنڈی( نمائندہ خصوصی) راولپنڈی کے مختلف علاقوں میں ڈکیتی ،چوری اورنقب زنی کی وارداتوں میں شہری دوگاڑیوں ،چھ موٹرسائیکلوں ،طلائی زیورات اورنقدی وغیرہ سے محروم ہوگئے ۔تھانہ نیوٹاؤن کے علاقہ سکستھ روڈسے محمد زبیر کی کار نمبر ایل اے-637 ، تھانہ آراے بازارکے علاقہ کمال آبادسے محمد خالد اقبال کاکیری ڈبہ نمبرجی اے ای 9397،تھانہ نیوٹاؤن کے علاقہ سکستھ روڈسے محمد زین العابدین کی موٹرسائیکل نمبر اے بی ایم -441 ،تھانہ صادق آبادکے علاقہ کریم آبادشکریال سے پرویز اقبال کی موٹرسائیکل اپلائیڈفار،تھانہ صادق آبادکے علاقہ الہ دین فن ہاؤس کے سامنے سے محمد عامر کی موٹرسائیکل نمبر ای ایم -707،تھانہ صدرواہ کے علاقہ محبت آبادسے گل زرین خٹک کی موٹرسائیکل نمبراے کے کے 6309،تھانہ گوجرخان کے علاقہ سے عدیل احمد کی موٹر سائیکل نمبرآرآئی ایم -9087،تھانہ صدربیرونی کے علاقہ سےدلدار احمد کی موٹر سائیکل نمبرآرآئی ایل -3688چوری ہوگئی۔تھانہ سول لائن کو شیر حسین نے بتایا کہ نامعلوم چور نے سگنل میس کے اندرکمرے میں سے میرا پرس چوری کرلیا جس میں7ہزارروپے ودیگر کارڈزتھے۔تھانہ ائرپورٹ کو عنبر اعجازنے بتایا کہ میں اور میری فیملی گاڑی میں جارہے تھے کہ2 نامعلوم موٹرسائیکل سواروں نے بوستان روڈپرمیری گاڑی روک لیا اور ساڑھے چھ
ہزارروپے اورطلائی زیورات زبردستی چھین کر فرارہوگئے۔تھانہ نیوٹاؤن کو فاخرہ زینب زیدی نے بتایا کہ حمید شادی ہال سید پور روڈ پہنچی تو 2 موٹرسائیکل سوار آئے اور مجھ سے پر س چھین کرلے گئے جس میں13ہزار روپے ، موبائل اوردو ڈائریاں تھیں ۔ تھانہ نیوٹاؤن کو عمران اللہ میمن نے بتایا کہ اپنے ہاسٹل جا رہا تھا کہ 2 نامعلوم لڑکے موٹرسائیکل سوار آئے اور موبائل چھین کر فرار ہو گئے ۔ تھانہ نیوٹاؤن کو ذیشان احمدنے بتایا کہ مدعی اوراس کے دوست محمد نبیل بھٹی سے 2 موٹرسائیکل سوار دو موبائل چھین کر فرار ہو گئے ۔ تھانہ گوجرخان کو محمد جاوید نے بتایا کہ رات 2بجے آہٹ پر اچانک میری آنکھ کھلی تو ایک شخص مسلح کلاشنکوف میرے پاس آگیا اور کہا کہ اگر شور کیا تو جان سے مار دوں گا اتنے میں 5اور شخص مسلح پسٹل و چھری آگئے اور آتے ہی مجھ سے میرا موبائل چھین لیا اور گھر کی تلاشی شروع کر دی میری دو بیٹیوں اور بیوی سے طلائی زیوارات چوڑیاں بالیاں اور ہار سیٹ چھین لیے اور میرے بیٹے یاسر جاوید سے ایک فون اور عمران ازرم سے جبکہ محمد مبین سے موبائل فون چھین لیے گھر کے سامان کی پڑتال کر نے پر 25سوپاؤنڈ اور63ہزار روپے بھی لے گئے ۔تھانہ روات کومحمد امتیاز مرزا نے بتایا کہ میں اور میری بیوی گھر پر موجود نہ تھی اس دوران گھر میں کچھ نامعلوم افراد داخل ہو ئے جو گھر سے 7تولے سونا اور 40ہزارروپے چوری کرکے لے گئے۔
