اسٹاک ہوم (آئی این پی)سویڈن میں یہودی عبادت گاہ پر مبینہ حملے کے 3 مشتبہ ملزمان کو گرفتار کرلیا گیا ۔
غیر ملکی میڈیا کے مطابق سویڈن کی پولیس نے کہا ہے کہ ایسے 3 مشتبہ افراد کو حراست میں لیا گیا ہے، جن پر شبہ ہے کہ گوٹن برگ کے سائنیگاگ پر حملے میں ملوث ہو سکتے ہیں۔ گوٹن برگ کی پولیس نے مشتبہ افراد کی شناخت بتانے سے گریز کیا ہے۔ اس حملے کے وقت یہودی عبادت گاہ کے قریب 10 نوجوانوں کو کھڑے بھی دیکھا گیا تھا۔ اس عبادت گاہ کے مرکزی دروازے پر ایک کار سے جلتی ہوئی شے پھینکی گئی تھی لیکن اس جلتی شے سے مزید آگ نہیں پھیل سکی تھی۔ اس حملے کی مذمت کا سلسلہ جاری ہے۔
