صوبائی الیکشن کمشنراور ریٹرننگ افسر محمد یوسف خٹک کا کہنا ہے کہ سندھ سے اب تک 109 افراد نے سینیٹ کے لئے کاغذات نامزدگی حاصل کیے ہیں۔
کراچی میں الیکشن کمیشن کے دفتر میں پریس کانفرنس کرتے ہو ئے سینیٹ انتخابات کے حوالے سے تفصیلات بتاتے ہوئےصوبائی الیکشن کمشنر اور ریٹرننگ افسر محمد یوسف خٹک کا کہنا تھا کہ سینیٹ انتخابات کے کاغذات نامزدگی جمع کرا نے کی آخری تاریخ 8 فروری ہے۔
کاغذات نامزدگی 4 فروری سے جاری ہوچکے ہیں اب تک 109 کاغذات نامزدگی جاری کئے گئے ہیں ۔جمع شدہ کاغذات کی جانچ پڑتال 10 سے 12 فروری تک ہوگی جبکہ پولنگ کا عمل 3 مارچ کو سندھ اسمبلی میں ہوگا ۔
