سعودی پولیس کے دہشتگردوں کے ٹھکانوں پر چھاپوں میں دو افراد ہلاک اور چار گرفتار کر لیے گئے۔
سعودی وزارت داخلہ لے مطابق پولیس نے مشرقی شہر قطیف کے نزدیک دو فارم ہاؤسز پر چھاپے مارے،تاہم وہاں چھپے ہوئے مشتبہ افراد نے سیکیورٹی اہلکاروں پر فائرنگ کر دی، پولیس کی جوابی فائرنگ میں دو مسلح افراد مارے گئے۔
کارروائی میں دہشتگردوں کےساتھی چار سعودی شہری گرفتار ہوئے، دہشتگردوں کے ٹھکانوں سے اسلحہ اور بم بنانے کا سامان بھی برآمد ہوا، گرفتار ہونے والے سعودی عرب میں ہونے والے حالیہ دہشتگرد حملوں میں ملوث رہے ہیں۔
