سعودی عرب میں جو کھچڑی پک رہی ہے ؟نہیں پتا ،وہاں تو خود کرپشن کیخلاف مہم چل رہی ہے ۔

سابق صدر آصف علی زرداری نے کہا ہے کہ سعودی عرب میں جو کھچڑی پک رہی ہے ؟نہیں پتا ،وہاں تو خود کرپشن کیخلاف مہم چل رہی ہے ۔
لاہور میں میڈیا سے گفتگو میں آصف علی زرداری نے کہا کہ شریف برادران کے سعودی عرب جانے پر بہت سی باتیں مارکیٹ میں چل رہی ہیں ،طاہر القادری کی صورت میں نوابزادہ نصر اللہ کی کمی پوری ہوگئی ہے ۔
پی پی کےشریک چیئرمین نے یہ بھی کہا کہ این آراوکی باتیں بھی ہورہی ہیں ، سعودی عرب میں کرپشن کے خلاف مہم چل رہی ہے ۔
ان کا مزید کہناتھا کہ یہ باتیں بھی ہورہی ہیں کہ وہ اپنے کفیل کو بچانے کے لیے گئے ہیں ، ہوسکتا ہے ان کے کچھ معاملات ہوں۔
آصف زرداری نے یہ بھی کہا کہ مشرف اتنے دلیر ہیں تو یہاں آجائیں ، پتا چل جائے گا کہ کتنے بیس کا ایک سو ہوتا ہے ۔
انہوں نے کہا کہ ہم سعودی حکمرانوں کی عزت کرتے ہیں لیکن ہماری حکومت میں ان کا کوئی عمل دخل نہیں تھا ، این آر او اور کسی کفیل کو بچانے کی بھی افواہیں ہیں۔
سابق صدر نے کہا کہ نیب نے سندھ میں ہمیشہ سے ظلم کر رکھا ہے ۔