ترجمان پی ٹی آئی فواد چودھری نے سعد رفیق کو جواب دیتے ہوئے کہا ہے کہ سعد رفیق عمران خان کو کرپشن کی سیاست نہ سکھائیں، جو سیاست ن لیگ اور سعد رفیق کی ہے وہ نہ ہی سیکھی جائے تو بہتر ہے۔
ان کا کہنا تھا کہ جس سیاست میں لوگوں کے پیسے لوٹ کر پاناما چلے جائیں اسے تو بھولنے کی ضرورت ہے ۔
مردم شماری سے پہلے دھاندلی ہوچکی ہے، فاروق ستار
ایم کیو ایم پاکستان کے سربراہ فاروق ستار نے کہا ہے کہ مردم شماری سے پہلے دھاندلی ہوچکی ہے، ہمارے خلاف پھر سازش کی جارہی ہے۔
حیدرآباد میں صحافیوں سے گفتگو کے دوران فاروق ستار نے کہا کہ سب سے پہلے اس بات کا تعین کیا جائے کہ 8 سال تک کس کو فائدہ پہنچانے کے لیے مردم شماری نہیں کرائی گئی۔
انہوں نے کہا کہ مردم شماری سے پہلے دھاندلی ہوچکی ہے، اس میں سندھ کے وڈیروں کا فائدہ ہے۔
