ممبئی(شوبز رپورٹر) بالی ووڈ اداکار سدھارتھ ملہوترا نے کئی برسوں سے جاری دوستی کے بعد اب عالیہ بھٹ سے اپنا قریبی تعلق ختم کرنے کا اعلان کردیا ہے ۔بھارتی میڈیا کے مطابق اداکارہ نیہا دھوپیا نے اپنے شو ’’نوفلٹر‘‘ کے دوران سدھارتھ ملہوترا سے ان کی نجی زندگی کے بارے میں سوال کرتے ہوئے کہا کہ کیا ان کی زندگی میں کوئی لڑکی موجود ہے جس کے جواب میں سدھارتھ نے انکار کرتے ہوئے کہا کہ ان کی زندگی میں کوئی لڑکی موجود نہیں ہے اور فی الحال وہ سنگل ہیں ، سدھارتھ کے اس جواب پر نیہا دھوپیا حیران رہ گئیں کیونکہ گزشتہ کافی عرصے سے میڈیا پر سدھارتھ اور عالیہ بھٹ کے درمیان تعلقات کی خبریں گردش کررہی ہیں یہاں تک کہ عالیہ بھٹ سدھارتھ ملہوترا کے والدین سے بھی ملاقات کرچکی ہیں، سدھارتھ ملہوترا نے مزید کہا کہ وہ انٹرنیٹ پر اپنے لیے ایک ساتھی کی تلاش میں ہیں انہوں نے کہا کہ وہ ایک ایسی لڑکی کی تلاش میں ہیں جو خوبصورت ہونے کے ساتھ ساتھ گھر کے کاموں میں بھی ماہرہو۔
