رینجرز نے کراچی کے علاقے اورنگی ٹائون میں خفیہ اطلاعات پر چھاپا مار کر بڑی تعداد میں چھپایا گیا اسلحہ برآمد کرلیا

کراچی 1 اکتوبر
(بشیر باجوہ بیورو چیف پاکستان نیوز وائس آف کینیڈا)
رینجرز نے کراچی کے علاقے اورنگی ٹائون میں خفیہ اطلاعات پر چھاپا مار کر بڑی تعداد میں چھپایا گیا اسلحہ برآمد کرلیا۔ترجمان رینجرز کے مطابق یہ اسلحہ ایم کیو ایم لندن سے تعلق رکھنے والے شر پسند عناصر نے علاقے میں دہشت گردی پھیلانے کی نیت سے چھپایا تھا۔رینجرز ترجمان کے مطابق انٹیلی جنس معلومات کی بنیاد پر اورنگی ٹائون سیکٹر7 سی کے علاقے میں چھاپا مار کر اسلحہ برآمد کیا گیا۔ اسلحہ پبلک پارک کے پیچھے بنائے گئے 3کمروں پر مشتمل غیر قانونی یونٹ آفس نمبر 130 میں چھپایا گیا تھا۔اسلحے میں ایک ایل ایم جی ، ایمونیشن بیلٹ، کلاشنکوف ، رائفل، پستول اور مختلف اقسام کی دو ہزار کے قریب گولیاں شامل ہیں۔