ریحام خان نے مراد سعید پر جوابی وار کرتے ہوئے کہا کہ مراد سعید مجد پر کیچڑ اُچھال کر اپنا سیاسی کیرئیر داؤ پر نہ لگائیں۔

اسلام آباد 7 اگست 2017
(بشیر باجوہ بیورو چیف پاکستان نیوز وائس آف کینیڈا)
پی ٹی آئی چئیرمین عمران خان کی دوسری سابقہ اہلیہ ریحام خان نے مراد سعید پر جوابی وار کرتے ہوئے کہا کہ مراد سعید مجد پر کیچڑ اُچھال کر اپنا سیاسی کیرئیر داؤ پر نہ لگائیں۔ انہوں نے کہا کہ میں مراد سعید کے تمام سوالوں کے جوابات شواہد کے ساتھ دے سکتی ہوں لیکن سچائی سے اس نوجوان کو صدمہ پہنچے گا۔
اس سے قبل مراد سعید کا کہنا تھا کہ سپریم کورٹ سے نا اہلی کے بعد چئیر مین تحریک انصاف عمران خان کی کردار کشی کی گئی۔ ریحام خان کی قرآن اٹھا کر الزام تراشی کردار کشی کی ایک اور کوشش ہے ۔ انہوں نے کہا تھا کہ ریحام خان بتائیں کیا ان کے لئے ایک سیاسی رہنما کے گھر ضیافت کا اہتمام نہیں کیا گیا تھا؟ کیا اس سب کے بعد بھی ریحام خان امیر مقام اور مسلم لیگ ن کے ساتھ رابطوں سے انکار کریں گی؟