رفعت مختار راجہ نئے ڈی جی ایف آئی اے تعینات

👇👇👇🇵🇰🤝🇨🇦
Voice of Canada (اردو)
Revised & Updated — نظرثانی شدہ خبر

رفعت مختار راجہ نئے ڈی جی ایف آئی اے تعینات
ملک کے اہم ترین تحقیقاتی ادارے کی کمان سنبھال لی

رپورٹ: بشیر باجوہ
📍وی او سی اردو — 4 اپریل 2025

اسلام آباد:
وفاقی حکومت نے پولیس سروس آف پاکستان کے سینئر اور کہنہ مشق افسر رفعت مختار راجہ کو وفاقی تحقیقاتی ایجنسی (FIA) کا نیا ڈائریکٹر جنرل تعینات کر دیا ہے۔ ان کی تقرری سول سرونٹس ایکٹ 1973 اور ایف آئی اے ایکٹ 1974 کے تحت اسٹیبلشمنٹ ڈویژن کی جانب سے جاری کردہ نوٹیفکیشن کے مطابق کی گئی، جو فوری طور پر نافذ العمل ہے۔

رفعت مختار راجہ کا شمار ان افسران میں ہوتا ہے جنہوں نے قومی سلامتی، انسدادِ جرائم اور سول انتظامی معاملات میں متعدد کلیدی عہدوں پر ذمہ داریاں نبھائیں ہیں۔ ان کے نمایاں عہدے درج ذیل ہیں:

آئی جی نیشنل ہائی ویز اینڈ موٹروے پولیس

آئی جی سندھ پولیس

ایڈیشنل سیکریٹری، وزارتِ داخلہ

آر پی او: گوجرانوالہ، فیصل آباد، ملتان، بہاولپور

ان کا تعلق راولپنڈی سے ہے۔ راقم (بشیر باجوہ، وی او سی اردو کنٹری ہیڈ) کو ان کی والدہ کے انتقال پر تعزیت کے لیے ان کے گھر جانے کا موقع ملا، جہاں معروف کاروباری شخصیت ماجد عرفان صدیقی (شہنائی بینکویٹ ہال) بھی موجود تھے۔

رفعت راجہ ایک بردبار، وضع دار اور معاملہ فہم افسر کے طور پر جانے جاتے ہیں۔ وہ کنگز کالج لندن سے تعلیم یافتہ ہیں اور سروس کے دوران انہوں نے مؤثر انتظامی حکمتِ عملی اور ادارہ جاتی اصلاحات کو فروغ دیا۔

ان کی تقرری کے بعد توقع کی جا رہی ہے کہ ایف آئی اے کو جدید خطوط پر استوار کیا جائے گا، بالخصوص سائبر کرائم، منی لانڈرنگ اور دیگر حساس معاملات میں ادارے کی صلاحیت کو مزید مؤثر بنایا جائے گا۔

—
تجزیہ:
کیا ایف آئی اے غیرسیاسی رہ سکے گی؟

رفعت مختار راجہ کی تقرری ایک ایسے وقت میں ہوئی ہے جب ایف آئی اے پر سیاسی وابستگیوں کے الزامات، میڈیا پر اٹھنے والے سوالات، اور عدالتی دباؤ میں اضافہ دیکھنے میں آیا ہے۔
کیا وہ ادارے کو آزاد، پیشہ ور اور غیرجانبدار رکھ پائیں گے؟
یہ ان کی قائدانہ صلاحیتوں اور حکومتی مداخلت کے خلاف مزاحمت کی اصل آزمائش ہو گی۔

—
قانونی نوٹ / وضاحتی بیان:
یہ خبر عوامی مفاد میں، مصدقہ اور دستیاب سرکاری ذرائع کی بنیاد پر مرتب کی گئی ہے۔ اس میں شامل تمام معلومات کا مقصد قارئین کو باخبر رکھنا ہے، نہ کہ کسی فرد، ادارے یا محکمے کی ساکھ کو متاثر کرنا۔ خبر میں شامل تجزیاتی پیرا صرف عمومی حالات و واقعات کی بنیاد پر ادارہ جاتی تناظر فراہم کرتے ہیں۔ اگر کسی فریق کو خبر کے کسی حصے پر وضاحت یا تصحیح درکار ہو تو ادارہ خوش دلی سے اس کا خیرمقدم کرے گا۔

—
Voice of Canada (اردو)
تحقیقی، تجزیاتی اور غیر جانب دار صحافت کا معتبر پلیٹ فارم
*”جہاں تجزیہ خاموش ہو، ہم بولتے ہیں!”*

مزید باخبر رہنے کے لیے ہمارا واٹس ایپ چینل جوائن کریں:
whatsapp.com/channel/0029VaCmBaI84OmAfXL45G1k