”رائیونڈ آﺅ گے تو ڈنڈے کھاﺅ گے“، نواز لیگ نے رائیونڈ مارچ روکنے کیلئے ڈنڈا بردار فورس تیار کر لی

گوجرانوالہ (مانیٹرنگ ڈیسک ) تحریک انصا ف کے رائیونڈ مارچ کو روکنے کیلئے نوا ز لیگ نے گوجرانوالہ میں یوتھ ونگ پر مشتمل ڈنڈہ بردار فورس تیار کر لی ۔
نیو نیوز کے مطابق نواز لیگ نے تحریک انصاف کے رائیونڈ مارچ کے شرکاءکو روکنے اور ڈرانے دھمکانے کیلئے پہلوانوں کے شہر گوجرانوالہ میں بھی ایک ڈنڈا بردار فورس تیار کر لی ہے جس کی ان دنوں بھرپور ٹریننگ جاری ہے ۔
ذرائع کا کہنا ہے کہ ڈنڈابردار فورس کو ٹاسک دیا گیا ہے کہ مارچ کے شرکاءکو ڈرا دھمکا کر روکیں اور اگر اس پر شرکاءنہ رکیں تو ان پر ڈنڈوں سے حملہ بھی کیا جائے ۔ فورس کو ڈنڈے تھما کر ٹریننگ دی جار ہی ہے کہ کس طرح انہوں نے مارچ کے شرکاءکو رائیونڈ کی طرف جانے سے روکنا ہے اور تصاد م کی صورت میں کس طرح اپنا بچاﺅ کرنا ہے ۔