دیپک نیگی عرف ‘باہوٹ بلوچ’ — بھارت کی ہائبرڈ وار کا چہرہ بے نقاب
دیپک نیگی عرف ‘باہوٹ بلوچ’ — بھارت کی ہائبرڈ وار کا چہرہ بے نقاب
24 مئی 2025
رپورٹ: بشیر باجوہ
VOC اردو
— بین الاقوامی ڈیسک
تحقیقاتی شواہد سے انکشاف ہوا ہے کہ بھارت کی خفیہ ایجنسی ‘را’ کے میڈیا ونگ کا ایک کلیدی آپریٹو، دیپک نیگی عرف ‘باہوٹ بلوچ’، پاکستانی بلوچستان میں شورش کو عالمی سطح پر منفی انداز میں پیش کرنے میں ملوث ہے۔
دیپک نیگی، ولد نریندر سنگھ نیگی، کا تعلق اتراکھنڈ کے قصبے بائیلہ گاؤں، تحصیل اگسٹیامُنی، ضلع رودرپریاگ سے ہے۔ اس نے 2012 میں دہلی یونیورسٹی سے لسانیات میں گریڈ فرسٹ حاصل کیا، اور اسی دوران اسے ریسرچ اینڈ اینالیسس ونگ (RAW) کے میڈیا ونگ میں بھرتی کیا گیا۔ اسے ڈیجیٹل آپریشنز میں ‘بلوچ تھیٹر’ کے انچارج کے طور پر منتخب کیا گیا۔
جون 2021 میں دیپک نے ‘bahot_baluch’ کے نام سے ایک ٹوئٹر اکاؤنٹ بنایا جو جلد ہی بلوچ شناخت کا نقاب پہن کر پاکستان مخالف پروپیگنڈا کا مؤثر ذریعہ بن گیا۔ نقاب پوش ویڈیوز، جعلی انفوگرافکس، اور ڈیپ فیک مواد اس کی پہچان بن گئے۔
21 مئی 2025 کو خضدار میں اسکول بس دھماکے کی ابتدائی فوٹیج سب سے پہلے اسی اکاؤنٹ سے جاری کی گئی جبکہ پاکستانی میڈیا نے اس واقعے کو 23 منٹ بعد رپورٹ کیا۔ جائنٹ سائبر رپورٹ CWB-PK/2025-Q2 کے مطابق اس اکاؤنٹ کے بیک اپ سرورز نئی دہلی کے DEFENSE-NET IX ڈیٹا سینٹر سے منسلک ہیں۔
دیپک نیگی کا خاندان بھارتی افواج میں گہری جڑیں رکھتا ہے۔ اس کا تایا صوبیدار کیلاش چندر نیگی کارگل جنگ میں خدمات انجام دے چکا ہے جبکہ اس کا بھائی منوج نیگی بھارتی 25ویں راجپوت رجمنٹ میں سگنلنگ ٹیکنیشن ہے۔ اندرونی آرمی سرکولر GHQ-IND/Circ-158-A (2024) میں نیگی خاندان کو ‘اطلاعاتی جنگ میں رضاکارانہ تعاون کرنے والے’ درجے میں رکھا گیا ہے۔
مارچ 2025 میں مجید بریگیڈ کے مارے گئے کمانڈر ریاض بلوچ کے ڈیجیٹل لیپ ٹاپ سے حاصل ہونے والے ڈیٹا میں دیپک نیگی سے پانچ ویڈیو کالز اور سترہ خفیہ چیٹ لاگز کا ریکارڈ Annex-C میں درج ہے، جن میں خضدار، نوشکی، اور کیچ حملوں کے میڈیا اسکرپٹس طے کیے گئے تھے۔
دیپک حملے کے 10 سے 15 منٹ کے اندر اندر لو ریزولوشن فوٹیج جاری کرتا ہے تاکہ حقائق کے بجائے جذباتی بیانیہ بیٹھ جائے۔ متعدد زبانوں میں بوٹ نیٹ کے ذریعے پاکستانی اداروں کے خلاف ٹرینڈز چلائے جاتے ہیں۔ مین اسٹریم بھارتی میڈیا باہوٹ بلوچ کو ایک بلوچ صحافی ظاہر کرتا ہے اور اس سے جعلی حقیقت پسندی کا تاثر دیا جاتا ہے۔
یورپی ادارے European DisinfoLab کی فیکٹ شیٹ FS-298/25 میں ‘BalochistanFacts’ جیسے نیٹ ورکس کو 1175 بھارتی نژاد جعلی اکاؤنٹس کے ساتھ مربوط قرار دیا گیا ہے۔
باہوٹ بلوچ نہ صرف ایک انفرادی کردار ہے بلکہ بھارتی ریاست کے اس منظم ذہنیت کی نمائندگی کرتا ہے جو بندوق سے زیادہ جھوٹے بیانیے کو بطور ہتھیار استعمال کرتی ہے۔
وی او سی اردو
Disclaimer: This news is based on initial reports and is intended solely for public awareness. VOC Urdu is not responsible for the verification or denial of any legal claims or allegations. وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم مزید خبروں کے لیے وزٹ کریں: www.newsvoc.com ہمارا واٹس ایپ چینل جوائن کریں: https://whatsapp.com/channel/0029VaCmBaI84OmAfXL45G1k
