راولپنڈی: ( نیوز وی او سی آآن لائن) آئی ایس پی آر کے مطابق آرمی چیف جنرل قمر جاوید باجوہ نے سٹرائیک کور ملتان کا دورہ کیا ہے۔ آرمی چیف نے خیبرپختونخوا اور فاٹا میں آپریشنز میں حصہ لینے والی ملتان کور کو سراہا۔ انہوں نے اس موقع پر نوجوانوں سے خطاب کرتے ہوئے کہا دہشت گردی کیخلاف آپریشنز کے تجربات نے ہمیں سخت بنا دیا۔ یہ صلاحیت ہماری آپریشنل تیاریوں میں مزید اضافہ کرتی ہے۔ پاک فوج کا جوان دنیا کی تمام افواج میں سے بہترین جوان ہے۔ مجھے بہادر اور انتہائی پیشہ ورانہ فوج کا سربراہ ہونے پر فخر ہے۔
