خلائی مخلوق کا زمینی مخلوق سے مقابلہ ہونےوالا ہے ،لیکن اس بار فتح زمینی مخلوق کی ہو گی،نواز شریف

اسلام آباد(نیوز وی او سی آن لائن)سابق وزیراعظم میاں محمد نواز شریف کا کہنا تھا کہ خلائی مخلوق پچھلے 70سالوں سے موجود ہے اور بہت جلداس کا مقابلہ زمینی مخلوق سے ہونے والا ہے ،ان کا مزید کہنا تھا کہ خلائی مخلوق جو ہے وہ نظر نہیں آتی لیکن اب کی بار شکست خلائی مخلوق کو ہو گی۔
پنجاب ہاﺅس اسلام آباد میں پریس کانفرنس کرتے ہوئے نواز شریف کا کہنا تھا کہ خلائی مخلوق کا گٹھ جوڑ کس سے ہے، دھرنے میں بھی خلائی مخلوق موجود تھی اور یہ 70سال سے موجود ہے لیکن عام انتخابات میں زمینی مخلوق خلائی مخلوق کو شکست دے گی۔
واضح رہے کہ نواز شریف نے خود پر نیب کی جانب سے لگائے گئے الزامات پر آج ہنگامی پریس کانفرنس کی اور چیئرمین نیب سے مطالبہ کیا کہ 24گھنٹوں میںمیرے خلاف ثبوت پیش کریں ورنہ قوم سے معافی مانگیں اور مستعفی ہوکر گھرچلے جائیں