جیو نیوز کے مطابق پنجاب حکومت کا لاہور ہائیکورٹ کے فل بنچ کے فیصلے کیخلاف سپریم کورٹ جانے کا اعلان

لاہور (ڈیلی پاکستان آن لائن)پنجاب حکومت نے ہائیکورٹ کے فل بنچ کے فیصلے کیخلاف سپریم کورٹ میں جانے کا اعلان کردیا،نجی ٹی وی چینل جیو نیوز سے گفتگو کرتے ہوئے زعیم قادری نے کہا ہے کہ ہمارے پاس سپریم کورٹ کا آپشن موجود ہے ،ہائیکورٹ کے فیصلے کو سپریم کورٹ میں چیلنج کریں گے،ان کا کہناتھا کہ سیاسی پوائنٹ اسکورنگ کاجواب دیں گے،شہبازشریف کی سیاست ختم کرنے کی خواہش پی ٹی آئی کی خواہش ہی رہے گی،انہوں نے کہا کہ ہمارے پاس دیگر 2 جے آئی ٹی رپورٹس موجودہیںجو مختلف تھیں،کمیشن رپورٹ کے بعد جے آئی ٹی رپورٹس کوبھی سامنے رکھنا ہوگا ، انہوں نے کہا کہ رپورٹ شائع بھی کردی جائے توکوئی فرق نہیں پڑےگا،زعیم قادری نے کہا کہ کسی بھی رپورٹ میں وزیرقانون یا حکومتی عہدیدار کوذمہ دارنہیں ٹھہرایاگیا۔