جوپارٹی کا وفادار نہیں وہ ملک کا بھی وفادار نہیں-شاہد خاقان عباسی

شیخوپورہ(نیوز وی او سی آن لائن)وزیراعظم پاکستان شاہد خاقان عباسی کا کہنا ہے کہ جو لوگ 1500دن میں کام نہیں کرسکے وہ آج 100 دن کامنصوبہ دے رہے ہیں۔جوپارٹی کا وفادار نہیں وہ ملک کا بھی وفادار نہیں،موجودہ حکومت نے فاٹاکا دیرینہ مسئلہ بھی حل کردیا ہے۔
مانا والہ میں گیس فراہمی منصوبے کی افتتاحی تقریب سے خطاب کرتے ہوئے شاہد خاقان عباسی کا کہنا تھا کہ آپ بہروپیوں سے بچیں،الزامات لگانے اورگالیاں دینے والے پاکستان کی سیاست کی نمائندگی نہیں کرسکتے،اس علاقے میں گزشتہ 5سال میں پونے3ارب کے ترقیاتی کام کیے گئے ،ضلع شیخوپورہ میں 10 ارب روپے سے زائدکے ترقیاتی کام کیے گئے ہیں،۔آپ ترقیاتی کاموں کو دیکھ لیں اورانتخابات میں فیصلہ کریں،وزیراعظم کا مزید کہنا تھا کہ مسلم لیگ ن ہی ملک کو معاشی طاقت بناسکتی ہے،مسلم لیگ ن کے علاوہ کسی نے شیخوپورہ میں ترقیاتی کام نہیں کیے، 2018کے انتخابات میں مسلم لیگ ن ہی کامیاب ہوگی اگلاوزیراعظم اوروزیراعلیٰ بھی مسلم لیگ ن کا ہوگا۔اس کے علاوہ کوئی جماعت ووٹ کی حقدارنہیں۔ان کا مزید کہنا تھا کہ جوپارٹی کا وفادار نہیں وہ ملک کا بھی وفادار نہیں،موجودہ حکومت نے فاٹاکا دیرینہ مسئلہ بھی حل کردیا ہے۔ مانا والہ کو تحصیل کا درجہ دیاجائےگا،آج ملک میں 12 ماہ وافر گیس دستیاب ہے پر آج یہاں جو لوگ 1500دن میں کام نہیں کرسکے وہ 100 دن کامنصوبہ دے رہے ہیں۔