لندن (سپورٹس ڈیسک ) بھارتی کرکٹ ٹیم کے کپتان ویرات کوہلی نے کہا ہے کہ آج جنوبی افریقہ کے خلاف میچ چیمپئنز ٹرافی کا کوارٹر فائنل ہے ۔ کھلاڑیوں کو پر سکون رہ کر کھیلنا ہوگا ۔ہماری ٹیم کے حوصلے بلند ہیں اور جنوبی افریقہ کو شکست دے کر سیمی فائنل کیلئے کوالیفائی کریں گے ۔ سری لنکا کےخلاف میچ میں ہونےوالی غلطیوں سے سیکھاہے اور پروٹیز کے خلاف انہیں دہرایا نہیں جائے گا ۔ کھلاڑیوں کو کچھ خاص کرکے دکھانا ہو گا تاکہ عالمی نمبر ون کو شکست دے سکیں ۔ ماضی میں بھی بھارتی ٹیم نے اہم میچز میں کامیابی حاصل کی ہے ۔ میچ آسان نہیں جیت کیلئے سخت محنت کرنا ہوگی ۔ جس طرح یہ میچ ہمارے لئے اہم ہے جنوبی افریقہ کیلئے بھی اتنا ہی اہم ہے ‘کھلاڑیوں کو بغیر دباﺅ کے میدان میں کھیلنا ہوگا۔
