جنرل ہولڈ اپ کے دوران شاندار کارکردگی۔9 اشتہاری اور عدالتی مفرور گرفتار۔ 29موٹر سائیکل بند۔ 6پسٹل ،900 گرام چرس اور 13لٹر شراب برآمد

(بشیر باجوہ ڈسٹڑکٹ بیورو چیف نیوز وی او سی گوجرانوالہ)
گوجرانوالہ- سٹی پولیس آفیسر محمد وقاص نذیر کی ہدایت پر مجرمان اشتہاری اور نان رجسٹرڈ وہیکلز کے خلاف چلائی گئی خصوصی مہم کے دوران ضلعی پولیس نے گزشتہ رات جنرل ہولڈ اپ(ایس او ایس کال)کے دوران9مجرمان اشتہاری اور عدالتی مفرور گرفتار کئے جب کہ 319 موٹر سائیکل سواروں کو چیک کیا گیا جن میں 29موٹر سا ئیکلوں کے کاغذات نہ ہونے کی پاداش میں مختلف تھانہ جات میں بند کر دیا۔ دوران چیکنگ 6پسٹل ،900 گرام چرس اور 13لٹر شراب بھی برآمد ہوئی۔سی پی او نے کہا ہے کہ مجرمان اشتہاری کے خلاف مہم جاری رہے گی ۔ اضلاع کے داخلی اور خارجی راستوں پر پولیس کی بھاری نفری تعینات کر دی گئی ہے ۔مشکوک اشخاص اور گاڑیوں کی چیکنگ کے ساتھ ساتھ شراب اور ناجائز اسلحہ کی نقل و حمل پر خصوصی توجہ دی جا رہی ہے۔ سٹی پولیس آفیسرمحمد وقاص نذیرنے اچھی کارکردگی کا مظاہرہ کرنے والے پولیس افسران کے لئے تعریفی اسناددینے کا اعلان کیا ۔