جنرل ہولڈ اپ۔۔21بغیر نمبرپلیٹ اور غیر نمونہ نمبرپلیٹ موٹر سائیکل بند، 22مجرمان اشتہاری و عدالتی مفرور گرفتار،2رائفلیں، 7پسٹل،37لیٹر شراب،900گرام چرس برآمد۔

گوجرانوالہ . 20 مئی 2017
(بشیر باجوہ بیورو چیف نیوز وائس آف کینیڈا ) سٹی پولیس آفیسر اشفاق خان کے احکامات کے پیش نظر ضلعی پولیس نے جنرل ہولڈ اپ کے دوران اعلیٰ کارکردگی کا مظاہرہ کرتے ہوئے دوران ناکہ بندی اور گشت 21بغیر نمبر پلیٹ اور غیر نمونہ نمبرپلیٹ موٹر سائیکل بند کئے ۔اسی دوران 22مجرمان اشتہاری گرفتار کئے گئے اور دوران تفتیش و جامہ تلاشی ان کے قبضے سے 2رائفلیں، 7پسٹل ، 37لیٹر شراب ، 900گرام چرس برآمد ہوئی ۔اس موقع پر سی پی او نے کہا کہ جنرل ہولڈ اپ کی کارروائی کے دوران ضلع بھر میں مختلف مقامات پر ناکہ بندی کروائی گئی اور الیٹ فورس کے جوانوں کو خصوصی گشت کا حکم دیا گیا ۔انہوں نے کہا کہ امن و امان کی بہتری کے لئے مربوط حکمت عملی کے تحت موثر کارروائی جاری ہے ۔ شہریوں کے تحفظ کے لئے پولیس چوکس ہے ۔