ہالی ووڈ 20 جون 2017
بشیر باجوہ بیورو چیف نیوز وائس آف کینیڈا)
بولی وڈ ڈان شاہ رخ خان کی آنے والی فلم جب ہیری میٹ سیجل کا پہلا منی ٹریلر جاری کردیا گیا، جسے اب تک 12 لاکھ سے زائد افراد دیکھ چکے ہیں۔
ڈائریکٹر امتیاز علی کی فلم جب ہیری میٹ سیجل ایک رومانٹک ٹریولنگ فلم ہے، جس میں شاہ رخ خان کے ساتھ انوشکا شرما رومانس کرتی نظر آئیں گی۔
فلم کی شوٹنگ کا سلسلہ تیزی سے جاری ہے، جب کہ امکان ہے کہ فلم کو رواں برس اگست تک ریلیز کیا جائے گا۔
جب ہیری میٹ سیجل فلم ڈائریکٹر امتیاز علی کی جانب سے 2008 میں شاہد کپور اور کرینہ کپور کے ساتھ بنائی گئی فلم’جب وی میٹ‘ اور رنبیر کپور اور دپیکا پڈوکون کی تماشہ سمیت دیگر فلموں کی طرح سیاحت و تفریح اور رومانس پر مبنی ہے۔
فلم کی پہلی جھلک رواں ماہ کے آغاز میں جاری کی گئی تھی، جب کہ 3 دن قبل ہی ڈائریکٹر امتیاز علی نے انکشاف کیا تھا کہ اس فلم کے لیے شاہ رخ خان پہلی ترجیح نہیں تھے۔
ڈائریکٹر امتیاز علی اس فلم کے لیے رنبیر کپور کو کاسٹ کرنا چاہتے تھے، مگر وہ اپنی فلم جگا جاسوس میں مصروف تھے، اس لیے شاہ رخ خان کو کاسٹ کیا گیا۔
شاہ رخ خان نے بھی پہلے پہل فلم کا اسکرپٹ پڑھنے کے بعد اسے مسترد کیا تھا، لیکن بعد ازاں وہ فلم میں کام کرنے کے لیے تیار ہوگئے۔
فلم کے جاری کیے مختصر ٹریلر میں انوشکا شرما شاہ رخ خان کو انڈیمنٹی بونڈ کا لیگل معاہدہ پکڑاتے ہوئے دلچسپ انداز میں کہتی ہیں، انہوں نے ایل ایل بی کر رکھی ہے، اس لیے وہ فیملی میٹرنٹی کے معاملات اچھے طریقے سے جانتی ہیں‘۔
مختصر ترین دورانئیے کے ٹریلر میں انوشکا شرما کے ڈائلاگس پر شاہ رخ خان کے چہرے کے تاثرات دیکھنے جیسے ہیں، کیوں کہ شاید انہیں توقع نہیں تھی کہ انوشکا اتنی تیز نکلے گی۔
فلم کو 4 اگست تک سینما گھروں کی زینت بنائے جانے کا امکان ہے۔
