لاہور(کلچرل رپورٹر)اداکارہ ثنا اپنی فیملی کے ہمراہ چھٹیاں منانے ملائیشیا پہنچ گئی ہیں جہاں وہ دوہفتے مقیم رہیں گی۔اس بارے میں ثنا نے کہا کہ میں ساراسال کام کرتی ہوں جس کے بعد سیروتفریح کے لئے کسی ملک میں ضرورجاتی ہوں کیونکہ اس طرح فیملی کے ساتھ اچھاوقت گزارنے کا موقع ملتا ہے ۔ایک سوال کے جواب میں انہوں نے بتایا کہ میں وطن واپسی پر اپنے زیرتکمیل پراجیکٹ مکمل کراﺅں گی جن میں فلمیں اور ڈرامے شامل ہیں۔ انہوں نے مزیدبتایا کہ نجی ٹی وی سے آن ایئر ڈائریکٹراحسن طالش کی سیریل”الف اللہ اور انسان“میں ناظرین مجھے ایک نئے کردارمیں دیکھ سکیں گے۔
