ٌڈی ایس پی سیٹلائٹ ٹاون زکریا یوسف اور ایس ایچ او خالد وریاہ کی ٹیم کو تھا نہ جناح روڈ کی اعلیٰ کار کردگی پر نیوز وی اوسی کے ریذیڈنٹ ایڈیٹر نصیر ظفر کینیڈا اور بشیر باجوہ بیورو چیف پاکستان مبارکباد پیش کرتے ہوئے
گوجرانوالہ 20فروری
(بشیر باجوہ بیورو چیف پاکستان نیوز وی او سی )
سٹی پولیس آفیسرمحمدوقاص نذیر کے ا حکامات کے پیش نظر ایس ایچ اوتھانہ جناح روڈ سب انسپکٹر خالد وریاہ اپنی ٹیم کے ہمراہ ڈکیتی ورہزنی جیسی درجنوں سنگین وارداتوں میں ملوث امتیاز عرف ٹیڈی گینگ کے سرغنہ سمیت پانچ خطرناک ملزما ن کوگرفتار کر کے ان کے قبضہ سے 2 موٹر سائیکل،ایک کار،طلائی زیورات، ایک لیپ ٹاپ، ایک ایل ای ڈی ، نقدی دو لاکھ دس ہزار روپے، آٹھ موبائل فونز اور وارداتوں میں استعمال ہونے والا اسلحہ ایک کلاشنکوف، ایک رائفل اور پانچ پسٹل برآمد کئے ہیں ۔ گرفتار ہونے والے ملزما ن میں امتیاز عرف ٹیڈی سکنہ لدھے والا، آصف ، شہباز، کرامت ، محمد احمد وغیرہ ساکنان سیالکوٹ شامل ہیں ۔تفصیلات کے مطابق سٹی پولیس آفیسر محمد وقاص نذیر نے جرائم پیشہ عناصر کی گرفتاری کے سلسلہ میں ایس پی سو ل لائنز محمد ندیم کھوکھر کو خصوصی ہدایات جاری کیں ۔ جنہوں نے ڈی ایس پی زکریا یوسف
کی نگرانی میں ایس ایچ او تھانہ جناح روڈخالد وریاہ، سب انسپکٹر ناصر یعقوب و دیگران پر خصوصی ٹیم تشکیل دی ۔ ٹیم نے شب و روز کی محنت سے جدید خطوط پر تفتیش کرتے ہوئے سرغنہ گینگ امتیاز عرف ٹیڈی اور اسکے دیگر چار ساتھیوں کو رتہ جھال کے قریب واردات کی نیت سے بیٹھے ہوئے اسلحہ اور چھینی گئی کار سمیت گرفتار کیا ۔ملزمان نے دوران ابتدائی تفتیش انکشاف کیا کہ وہ رات کے تاریکی میں شہریوں کو سرراہ روک کراور گھروں میں داخل ہو کر لوٹتے مزید براں وہ دن کے اوقات میں کاروباری افراد سے بھی اسلحہ کے زور پر نقدی وزیورات،موٹرسائیکلز اور کاریں وغیرہ چھینتے اور فر ا ر ہو جا تے ہیں۔ ملزمان ضلع سیالکوٹ اور گوجرانوالہ میں راہزنی، ڈکیتی اور بھتہ خوری جیسی وارداتوں میں پولیس کو مطلوب ہیں ۔ گینک کے دیگر ساتھیوں کی گرفتاری کے لئے ریڈ کیے جا رہے ہیں ۔ امتیاز عرف ٹیڈی گینگ کے ارکان کی گرفتاری پر علاقے کے لوگوں نے سکھ کا سانس لیا
اور پولیس کی اس کارکردگی کو سراہا ۔سٹی پولیس آفیسرمحمد وقاص نذیر نے ایس ایچ او تھانہ جناح روڈ خالد وریاہ، سب انسپکٹر ناصر یعقوب اور ان کی ٹیم کوشاباش دی ہے۔
