نیو یارک (آئی این پی) امریکی صدر ڈونلڈ ٹرمپ نے اپنے ترک ہم منصب اردوان کو غیر معمولی خراج تحسین پیش کرتے ہوئے کہا ہے کہ ان سے ملاقات میرے لیے باعث عزت ہے ،ہمارے درمیان نہ صرف سیاسی بلکہ ذاتی تعلقات بھی قائم ہو چکے ہیں، ترکی اور امریکا کے مابین بھی گہرے دوستانہ روابط ہیں، 50 منٹ تک جاری اس ملاقات کے بعد ترک صدر اردوان نے کہا کہ امریکی صدر سے مفید تبادلہ خیال ہوا، ہم دونوں نے دو طرفہ تعلقات، علاقائی مسائل کے پر امن حل کیلئے تعاون کے فروغ اور عالمی دہشت گرد تنظیموں کے خلاف جنگ جاری رکھنے پر اتفاق کیا، انہوںنے کہا کہ ہم دونوں اس بات پر بھی متفق ہیں کہ شمالی عراق میں ریفرنڈم کے سنگین نتائج برآمد ہوں گے ۔
