انقرہ (نیوز وی او سی آن لائن)ترک مسلح افواج کی جانب سے دہشت گردوں کے خلاف کی جانے والی فضائی کارروائیوں میں 14 دہشت گرد ہلاک جبکہ ان کے کئی ٹھکانے تباہ کر دیئے ہیں ،ترک فوج کی جانب سےشمالی عراق کے علاقے زاپ پر کئے جانے والےفضائی حملے میں علیحدگی پسند تنظیم ’’پی کے کے ‘‘کے 5 دہشت گرد مارے گئے جبکہ حملوں میں دہشت گردوں کے کئی ٹھکانے تباہ کر دیئے ہیں ۔
غیر ملکی میڈیا کے مطابق ترک حکا م کا کہنا ہے کہ شمالی عراق کے علاقے زاپ میں کی جانے والی اس فضائی کارروائی میں 5 دہشت گردوں کی ہلاکت کے علاوہ دہشت گردوں کی جانب سے پناہ گاہوں کے طور پر استعمال کردہ3 اہداف کو بھی تباہ کر دیا گیا ہے۔دوسری جانب سیرت کی تحصیل پرواری میں بھی فوج نے فضائی کارروائی کی، جس دوران 7 دہشت گرد مارے گئے تیسری کارروائی خطائے امانوس میں تعین کردہ دہشت گرد کے اہداف پر کی گئی جس میں دو دہشت گرد مردہ حالت میں برآمد ہوئے۔
