سیہون 23اکتوبر2017
(بیورو چیف پاکستان بشیر باجوہ، نیوز وائس آف کینیڈآ)
پی ٹی آئی کے مرکزی رہنما شاہ محمود قریشی نے وزیراعلیٰ سندھ سے سوال کرتے ہوئے کہا سیہون دھماکے ملزم اب تک گرفتار کیوں نہیں کئے گئے،ایشیاء کی سب سے بڑی منچھر جھیل آلودہ ہوچکی ہے،مراد علی شاہ میں تمہیں ناکام وزیراعلیٰ ٹھہراتا ہوں-شاہ محمود قریشی نےاپنے خطاب کے دوران گوزرداری گو کے نعرے بھی لگوائے-پی ٹی آئی رہنما جہانگیر ترین نے جلسہ سے خطاب کرتے ہوئے کہا ،سندھ میں غریب کی کوئی عزت نہیں،70سال میں غریبوں کیلئے کوئی کام نہیں ہوا،عمران خان عوام کی تمام امیدیں پوری کریں گے-تحریک انصاف کے رہنما عارف علوی نے جلسہ گاہ میں موجودہ شرکاء کو یقین دلایا کہ عمران خان سندھ سے چوروں کا خاتمہ کرکے عوام کو لٹیروں سے آزاد کرائیں گے،آصف زرداری کا حال بھی نوازشریف جیسا ہوگا
