بے نظیر بھٹو کے قتل میں بیت اللہ محسود ملوث،زرداری صاحب کو لاحق خطرہ ٹل گیا،اگر کل الیکشن ہوں تو وزیر اعظم نواز شریف ہوں گے:پرویز مشرف

دبئی(ڈیلی ںٰؤذ وی او سی) سابق صدر پرویز مشرف نے کہا ہے کہ محترمہ بے نظیر بھٹو شہید کے قتل میں بیت اللہ محسود ملوث ہے،اگراس کے پیچھے بھی کوئی تھا تو تحقیقات ہونی چاہییں،کچھ عالمی عناصر مجھے صدر اور بے نظیر بھٹوکو وزیر اعظم کے طور پر دیکھنا چاہتے تھے۔
نجی ٹی وی اے آر وائے نیوز کے پروگرام "الیونتھ آور”میں گفتگو کرتے ہوئے ان کا کہنا تھا کہ آصف زرداری صحیح وقت پر پاکستان واپس جا رہے ہیں،انہیں شاید کچھ عرصہ پہلے خطرہ تھا لیکن اب لگتا ہے کہ زرداری صاحب کو لاحق خطرہ ٹل گیا ہے۔ دہشت گردی کے حالات میں وزیر داخلہ چوہدری نثار سے استعفی مانگنا ٹھیک نہیں،پاکستان میں اس وقت سیاسی دنگل کی صورتحال ہے۔ان کا کہنا تھا مجھے لگتا ہے کہ موجودہ حکومت اپنی مدت پوری کرے گی۔حمود الرحمن کمیشن سمیت ساری رپورٹس سامنے آنی چاہییں۔
انہوں نے کہا کہ پاکستان پیپلز پارٹی سے میرا معاملہ کچھ بھی نہیں ہے،2017میں میری وطن واپسی کا بھی قوی امکان ہے۔کراچی میں ایم کیو ایم 4حصوں میں تقسیم ہو گئی ہے،مجھے معلوم نہیں کہ ایم کیو ایم کا کون سا دھڑ درست ہے۔ان کا کہنا تھا کہ بانی ایم کیو ایم کو اب پارٹی خود ہی چھوڑ دینی چاہیے،پاکستان میں ماحول تبدیل ہوگیا ہے ،اب لندن سے پاکستان کو کنٹرول نہیں کیا جاسکتا۔