بے نظیر بھٹو ائیر پورٹ:گاڑی سے اسلحہ برآمد ،ْ

اسلام آباد 1 اکتوبر
(بشیر باجوہ بیورو چیف پاکستان نیوز وائس آف کینیڈا)
ڈرائیور گرفتار ملزم کا پولیس کارڈ زائدالمیعاد ہے کے پی کے پولیس سے ملزم کی تصدیق کے بعد قانونی کاروائی کی جائے گی ،ْپولیس حکام
بے نظیر بھٹو ائیر پورٹ کی پارکنگ میں گاڑی سے اسلحہ برآمد کر کے ڈرائیور کو گرفتار کرلیا گیا ۔اطلاعات کے مطابق بے نظیر بھٹو ائیر پورٹ اسلام آباد کی پارکنگ میں کھڑی گاڑی سے اسلحہ برآمد ہوا ہے اے ایس ایف حکام کے مطابق ڈبل کیبن گاڑی میں اسلحہ کی اطلاع ملتے ہی اے ایس ایف اہلکاروں نے گاڑی کو گھیرے میں لے لیا گاڑی میں موجود اشفاق نامی ڈرائیور نے اے ایس ایف حکام کو بتایا کہ وہ کے پی کے پولیس کا ملازم ہے اور خیبرپختونخواہائوس اسلام آباد سے وزیر اعلیٰ خیبر پختونخواہ کے کزن کو ائیر پورٹ لینے آیا ہے۔
اے ایس ایف حکام نے ڈرائیور کو تھانہ ائیر پورٹ پولیس کے حوالے کر دیا ،ْملزم سے ایس ایم جی گن اور 90 رائونڈ ایک خنجر برآمد ہوا ہے تھانہ ائیر پورٹ پولیس کا کہنا ہے کہ ملزم کو حراست میں لے لیا ہے جبکہ ملزم کا پولیس کارڈ زائدالمیعاد ہے کے پی کے پولیس سے ملزم کی تصدیق کے بعد قانونی کاروائی کی جائے گی۔