فیصل آباد میں دو مختلف واقعات میں بیٹے نے باپ کو اور بھائی نے بہن کو قتل کردیا، لاہور میں جھلس کر ایک شخص جاں بحق ہوگیا۔
فیصل آباد میں نشے کیلئے رقم نہ دینے پر بیٹے نے سر میں اینٹیں مار کر باپ کو قتل کر دیا۔
ایک اور واقعے میں گھریلو جھگڑے کے نتیجے میں بھائی نے فائرنگ کر کے بہن کو موت کی نیند سلا دیا۔
ادھر لاہور میں فیروز پور روڈ پر گجومتہ کے علاقے میں گارمنٹس فیکٹری میں آگ لگنے سے ایک شخص جھلس کر جاں بحق ہو گیا۔
سروسز اسپتال کے رہائشی کوارٹرز میں دو سالہ بچہ پانی کے ٹب میں ڈوبنے سے انتقال کرگیا۔
