سیکیورٹی اینڈ ایکسچینج کمیشن آف پاکستان نے وضاحت کی ہے کہ بیرون ملک مقیم پاکستانیوں کو بیرون ملک اثاثوں کی معلومات نہیں دینی ہوں گی۔
ایس ای سی پی کے مطابق پاکستان میں رجسٹرڈ کمپنی میں 10فیصد یا زیادہ حصص والوں کومعلومات دینی ہوں گی، چاہے یہ افراد ملک میں ہوں یا بیرون ملک اس کے علاوہ ایسی کسی کمپنی میں کسی عہدے والے فرد کو بھی معلومات دینی ہوں گی۔
اعلامیے میں کہا گیا ہے کہ ایسے پاکستانیوں کو گوشوارے داخل کرنے کی ضرورت نہیں، تمام پاکستانوں کوبیرون ملک اثاثوں کی معلومات کی فراہمی ضروری نہیں، بیرون ملک پاکستانیوں کے لیے گوشوارے جمع کرانے کی خبریں گمراہ کن ہیں ۔
