لاہور(سپورٹس رپورٹر) سابق آل راونڈر عبدالرزاق نے کہا ہے کہ بھارت کو چیمپئنز ٹرافی میں ہرانے کیلئے پاکستانی ٹیم کافی ہے حالانکہ اس کے پاس بگ ہٹرز کی کمی محسوس کی جا رہی ہے۔ موجودہ ٹیم میں شرجیل خان اور عمر اکمل جیسے جارحانہ انداز کے بیٹسمین موجود نہیں لیکن پاکستان کی جو بھی ٹیم میدان میں اتاری جائے گی اس میں اتنی اہلیت ہے کہ بھارتی ٹیم کو شکست سے دوچار کر دے۔
پاکستانی ٹیم کے پاس اب بھی احمد شہزاد،بابر اعظم،اظہرعلی اور شعیب ملک جیسے بیٹسمین موجود ہیں جبکہ سرفراز احمد اور عماد وسیم بھی اپنا موثر کردار نبھا سکتے ہیں کیونکہ پاکستان کا عمدہ باﺅلنگ اٹیک بھی ان کی پشت پناہی کرنے کیلئے تیار ہوگا۔
