بھارتی فوج کی افتخارآباد سیکٹر میں بلا اشتعال فائرنگ ،پاک فوج نے منہ توڑ جواب دیا : آئی ایس پی آر

راولاکوٹ(مانیٹر نگ ڈیسک )بھارتی فوج نے افتحار آبادسیکٹر میں رات گئے بلا اشتعال فائرنگ کردی ۔
آئی ایس پی آر کے مطابق بھارتی فوج نے لائن آف کنٹرول پر جنگ بندی کی خلا ف ورزی کرتے ہوئے افتحار آباد سیکٹر میں رات گئے بلا اشتعال فائرنگ کر دی تاہم پاک فوج کی جوابی فائرنگ سے بھارتی گنیں خاموش ہو گئیں ۔فائرنگ کا سلسلہ رات 12 بجے سے صبح 4بجے تک وقفے وقفے سے جاری رہا ۔
آئی ایس پر آر کا مزید کہنا ہے کہ پاک فوج نے بھارتی فائرنگ کا منہ توڑ جواب دیا جس سے بھارتی کیمپوں میں خاموشی چھا گئی۔ بھارتی فائرنگ سے کسی قسم کے جانی یا مالی نقصان کی اطلاع نہیں ملی ۔