ڈھاکا: بنگلادیشی اوپنر تمیم اقبال کو شیر بنگلہ اسٹیڈیم کی پچ پر اعتراض بہت ہی مہنگا پڑگیا۔
تمیم اقبال کو شیر بنگلہ اسٹیڈیم کی پچ پر اعتراض بہت ہی مہنگا پڑگیا جب کہ حیران کن طور پر بورڈ نے ان پر 5 لاکھ ٹکا جرمانہ عائد کردیا۔
بی سی بی کے صدر نظم الحسن نے کہاکہ جس انداز میں تمیم نے پچ پر تنقید کی اس سے بنگلادیش کرکٹ کو شرمندگی کا سامنا کرنا پڑا، اس سے ہماری کرکٹ کی ساکھ خراب ہوئی، وہ ٹوئنٹی 20 ٹیم کے نائب کپتان بھی ہیں، انھیں میڈیا سے بات چیت کے دوران محتاط رہنے کی ضرورت ہے۔
واضح رہے کہ کومیلا وکٹورینز کے کپتان تمیم نے 2 دسمبر کو رنگپور رائیڈرز کے خلاف بی پی ایل میچ کے موقع پر وکٹ کو تنقید کا نشانہ بنایا تھا۔
