(بشیر باجوہ بیورو چیف پاکستان نیوز وی او سی
جنرل ہولڈ اپ۔
12بغیر نمبرپلیٹ اور غیر نمونہ نمبرپلیٹ موٹر سائیکل بند، 07مجرمان اشتہاری گرفتار،12 ناجائز ہتھیار برآمد۔
ایک کلوگرام ہیرؤئن، ایک کلو چار سو گرام چرس اور 158لٹر شراب برآمد۔
مربوط حکمت عملی کے تحت موثر کارروائی جاری ہے ۔۔سٹی پولیس آفیسراشفاق خان
سٹی پولیس آفیسر اشفاق خان کے احکامات کے پیش نظر ضلعی پولیس نے جنرل ہولڈ اپ کے دوران اعلیٰ کارکردگی کا مظاہرہ کرتے ہوئے دوران ناکہ بندی اور گشت12بغیر نمبر پلیٹ اور غیر نمونہ نمبرپلیٹ موٹر سائیکل بند کئے ۔مجرمان اشتہاری کے مسکنوں پر ریڈ کر کے07مجرمان اشتہاری گرفتار کئے گئے۔ ناجائز اسلحہ کے خلاف 12مقدمات درج کر کے گرفتار ملزمان کے قبضہ سے ایک کلاشنکوف، دو رائفلز، دو بندوقیں اور 07پسٹل و تین سو سے زائدگولیاں برآمد کیں ۔مزید براں منشیات فروشوں کے خلاف موثر کارروائی کے نتیجے میں 17مقدمات درج کر کے ایک کلوگرام ہیرؤئن، ایک کلو چار سو گرام چرس اور 158لٹر شراب برآمدکی ۔اس موقع پر سی پی او نے کہا کہ جنرل ہولڈ اپ کی کارروائی کے دوران ضلع بھر میں مختلف مقامات پر ناکہ بندی کروائی گئی اور الیٹ فورس کے جوانوں کو خصوصی گشت کا حکم دیا گیا ۔ڈویژنل ایس پیز اور سرکل آفیسرز بھی جنرل ہولڈ اپ کے دوران فیلڈ میں رہے ۔سٹی پولیس آفیسر اشفاق خان نے کہا کہ امن و امان کی بہتری کے لئے مربوط حکمت عملی کے تحت موثر کارروائی جاری ہے ۔ شہریوں کے تحفظ کے لئے پولیس دن رات چوکس ہے۔
