بریڈ فورڈ میں پولیس نے خفیہ کارروائی کرکے 4 افراد کو گرفتار کرلیا جنہیں جیل بھیج دیا گیا ہے، جیل جانے والے چاروں افراد پاکستانی نژاد ہیں جن کے نام قادر حسین، آکاش حسین، حسنین سردار اور محمد صادق ہیں۔
چاروں افراد کو پولیس نے ایک خفیہ آپریشن کے نتیجے میں گرفتار کیا تھا جو جدید انداز سے منشیات کی فروخت میں مصروف تھے۔
بریڈفورڈ ڈسٹرکٹ کے ٹائون کیتھلے کے مختلف علاقوں سے گرفتار کئے گئے چاروں افراد پر منشیات کی ترسیل اور فروخت کا الزام ثابت ہوا تھا جس کے نتیجے میں انہیں قید کی سزا سنائی گئی ہے۔
کیتھلے کے قادر حسنین اور حسنین سردار ہر ایک کو بریڈفورڈ کرائون کورٹ کی جانب سے بالترتیب 32، 32 ماہ کی سزا سنائی گئی، کیتھلے کے ایک اور شخص 25 سالہ محمد صدیق کو 27 ماہ قید کی سزا سنائی گئی۔
بریڈفورڈ کرائون کورٹ کو بتایا گیا کہ 24 سالہ حسین، سپلائی چین کا حصہ تھا، حسنین نے عدالت کے روبرو کلاس اے ڈرگ کی سپلائی کے 2 جرائم کا اعتراف کیا۔
