برٹش کولمبیا کی سمندری حدود میں وہیل کاسمندری شیروں پر حملہ،چند سیکنڈز میں3 کو نگل لیا

ٹورنٹو(این این آئی) برٹش کولمبیا کے علاقے میں واقع سمندری حدود میں قوی الجثہ اور بھاری بھرکم وہیل نے قریب ہی تیرتے ہوئے سمندری شیروں پر حملہ کردیا اورچند گھنٹوں کے دورن اس وہیل نے 3 سمندری شیروں کو کھالیا۔
غیرملکی میڈیارپورٹس کے مطابق برٹش کولمبیا کے علاقے میں واقع سمندری حدود میں قوی الجثہ اور بھاری بھرکم وہیل نے قریب ہی تیرتے ہوئے سمندری شیروں پر حملہ کردیا اورچند گھنٹوں کے دورن اس وہیل نے 3سمندری شیروں کو کھالیا۔ سمندری شیروں کا غول اپنی دھن میں مگن تیرتے ہوئے کہیں جارہے تھے کہ ایک انتہائی خونی قسم کی وہیل اچانک پانی سے ابھری اور اپنے بڑے اور چوڑے جبڑے میں 3سمندری شیرو ں کو جکڑ لیا اور دیکھتے ہی دیکھتے انہیں نگل لیا۔ پورے واقعہ میں زیادہ سے زیادہ چندسیکنڈ کا وقت صرف ہوا جس سے وہیل کی سفاکی اور سمندری شیروں کی بیچارگی کا اندازہ ہوسکتا ہے۔